سرخ لاوے کی طرح تپ کے نکھرنا سیکھو

سرخ لاوے کی طرح تپ کے نکھرنا سیکھو

سوکھی دھرتی کی دراروں سے ابھرنا سیکھو

سینۂ دشت میں رہ رہ کے اترتے جاؤ

یا پھر آندھی کی طرح کھل کے گزرنا سیکھو

کوہساروں پہ چڑھو ابر رواں کی صورت

آبشاروں کی طرح گر کے بکھرنا سیکھو

مقتل شہر میں جب حرف وفا کھو جائے

تم کسی چیخ کی مانند ابھرنا سیکھو

surkh lawe ki tarah tap ke nikharna sikho

sukhi dharti ki dararon se ubharna sikho

sina-e-dasht mein rah rah ke utarte jao

ya phir andhi ki tarah khul ke guzarna sikho

kohsaron pe charho abr-e-rawan ki surat

absharon ki tarah gir ke bikharna sikho

maqtal-e-shahr mein jab harf-e-wafa kho jae

tum kisi chikh ki manind ubharna sikho