ہوائے صبح نمو دشمن چمن کیسے

ہوائے صبح نمو دشمن چمن کیسے

شکار‌ رشک و رقابت گل و سمن کیسے

حصار شام و سحر اور ضبط اہل نفس

نظام جبر میں بے بس یہ مرد و زن کیسے

نہ کوئی بات ہوئی اور نہ کوئی دل ہی دکھا

بجھے بجھے سے یہ شرکائے انجمن کیسے

نہ کوئی ہاتھ اٹھا اور نہ کوئی زیر ہوا

تو پھر بتاؤ کہ یہ چاک پیرہن کیسے

کھلے تو کس پہ کھلے رنگ اعتبار سخن

یہ صاحبان نظر بدگمان فن کیسے

hawa-e-subh numu dushman-e-chaman kaise

shikar-e-rashk-o-raqabat gul-o-saman kaise

hisar-e-sham-o-sahar aur zabt-e-ahl-e-nafas

nizam-e-jabr mein be bas ye mard-o-zan kaise

na koi bat hui aur na koi dil hi dikha

bujhe bujhe se ye shurka-e-anjuman kaise

na koi hath utha aur na koi zer hua

to phir batao ke ye chak-e-pairahan kaise

khule to kis pe khule rang etibar-e-sukhan

ye sahiban-e-nazar badguman-e-fan kaise