Arooz is now on the App Store, for iPhone and iPad. Download →

All poetry

لمحہ لمحہ خونیں خنجر

Chandrabhan Khayal (b. 1946)

لمحہ لمحہ خونیں خنجر

صدیاں جیبھیں ہیں سانپوں کی

گھاٹ پہ بیٹھی پیاس کی دیوی

اور جادوگر

وقت کی آنکھیں دیکھ رہی ہیں

مردہ گھر کے اک کمرے کے تیز دھویں میں

ایک کنواری ننگی عورت

چاٹ رہی ہے

اپنے ہی بے رنگ لہو کو

من کی آنکھیں کھول کے دیکھوں تو کیا دیکھوں

سب تو سولی پر لٹکا ہے

سب کچھ لٹا لٹا لگتا ہے

کوئی چپکے سے کہتا ہے

ننگی عورت کی جانگھوں میں سانپ ڈال کر میں سو جاؤں

لیکن کوئی چیخ رہا ہے

وقت کی آنکھیں دیکھ رہی ہیں

لمحہ لمحہ خونیں خنجر

صدیاں جیبھیں ہیں سانپوں کی