مشاہدہ نہ کوئی تجربہ نہ خواب کوئی

مشاہدہ نہ کوئی تجربہ نہ خواب کوئی

تمام شعر و سخن حرف اجتناب کوئی

اک انتظار مسلسل میں دن گزرتے ہیں

کہ آتے آتے نہ آ جائے انقلاب کوئی

تمام اہل زمانہ شکار حرص و ہوس

کرے تو کیسے کرے اپنا احتساب کوئی

نہ اس قدر غم و غصہ کو پی کے رہ جانا

کہ صبر و ضبط کی عادت بنے عذاب کوئی

تمام عمر سوالات پوچھنے والے

کسے ملا ہے جو تجھ کو ملے جواب کوئی

mushahada na koi tajriba na khwab koi

tamam sher-o-sukhan harf ijtinab koi

ik intizar musalsal mein din guzarte hain

ke ate ate na a jae inqilab koi

tamam ahl-e-zamana shikar hirs-o-hawas

kare to kaise kare apna ehtisab koi

na is qadar gham-o-ghussa ko pi ke rah jana

ke sabr-o-zabt ki adat bane azab koi

tamam umr sawalat puchhne wale

kise mila hai jo tujh ko mile jawab koi