جنگ دھرتی پہ ستاروں کے لیے جاری ہے

جنگ دھرتی پہ ستاروں کے لیے جاری ہے

حیف صد حیف کہ ہر شے پہ جنوں طاری ہے

کیا ہمیں اپنے مکانوں میں نہ رہنے دے گی

بستیاں دور خلاؤں میں بسانے کی لگن

جنگ در جنگ سلگتے ہیں صداؤں کے بدن

سبز راتوں کے سیہ خون سے تر ہے دامن

آسماں آگ نگلنے پہ ہے مجبور تو پھر

ہر دشا برف کی مانند پگھل جائے گی

زندگی ہاتھ سے دنیا کے نکل جائے گی

ساری تعمیر تباہی میں بدل جائے گی

کوئی تو اپنی قباؤں کو بنا کر پرچم

نعرۂ امن ہواؤں کی جبیں پر لکھ دے

jang dharti pe sitaron ke liye jari hai

haif sad haif ke har shai pe junun tari hai

kya hamen apne makanon mein na rahne degi

bastiyan dur khalaon mein basane ki lagan

jang dar jang sulagte hain sadaon ke badan

sabz raton ke siyah khun se tar hai daman

asman ag nigalne pe hai majbur to phir

har dasha barf ki manind pighal jaegi

zindagi hath se duniya ke nikal jaegi

sari taamir tabahi mein badal jaegi

koi to apni qabaon ko bana kar parcham

naara-e-amn hawaon ki jabin par likh de