دلوں میں درد دماغوں میں کشمکش کا دھواں

دلوں میں درد دماغوں میں کشمکش کا دھواں

جبیں پہ خاک نگاہوں میں غم کی تاریکی

فریب کھائے ہیں ہم نے فریب کھاتے ہیں

فریب دے نہ سکے ہم مگر زمانے کو

ہمیں تو فکر یہی ہے کہ کون آئے گا

ہمارے بعد لہو کے دیے جلانے کو

وہ زندگی جو سبھی کو عزیز ہوتی ہے

ہم اہل غم کے نہ یوں پاس آ سکے گی کبھی

قدم قدم پہ جنہیں جستجو ہو چاہت کی

انہیں رفیق نہ دنیا بنا سکے گی کبھی

خلا میں ڈھونڈ رہے ہیں ہم اک مسیحا کو

ہتھیلیوں پہ عقیدت کے آفتاب لیے

شعور و ہوش کی دنیا ہے ایک مدت سے

نظر نظر میں نئی روشنی کے خواب لیے

وسیع دشت تمنا کے سرخ سینے پر

سلگتے درد کا آنچل نہ سرد ہوگا کبھی

چراغ عمر بجھانا تو خیر ممکن ہے

چراغ جہد مسلسل نہ سرد ہوگا کبھی

دھواں اگلتے اندھیروں میں روشنی بھر دیں

رگوں میں خون کی گردش کو تیز تر کر دیں

dilon mein dard dimaghon mein kashmakash ka dhuan

jabin pe khak nigahon mein gham ki tariki

fareb khae hain ham ne fareb khate hain

fareb de na sake ham magar zamane ko

hamen to fikr yahi hai ke kaun aega

hamare baad lahu ke diye jalane ko

wo zindagi jo sabhi ko aziz hoti hai

ham ahl gham ke na yun pas a sakegi kabhi

qadam qadam pe jinhen justuju ho chahat ki

unhen rafiq na duniya bana sakegi kabhi

khala mein dhund rahe hain ham ik masiha ko

hatheliyon pe aqidat ke aftab liye

shuur-o-hosh ki duniya hai ek muddat se

nazar nazar mein nai raushni ke khwab liye

wasi dasht-e-tamanna ke surkh sine par

sulagte dard ka anchal na sard hoga kabhi

charagh umr bujhana to khair mumkin hai

charagh jahd-e-musalsal na sard hoga kabhi

dhuan ugalte andheron mein raushni bhar den

ragon mein khun ki gardish ko tez tar kar den