تنہا بیٹھا ہوں کمرے میں ماضی کی تصویر لیے

تنہا بیٹھا ہوں کمرے میں ماضی کی تصویر لیے

اب تو انجانے قدموں کی آہٹ سے جی ڈرتا ہے

میری چاہت ان کے وعدے دفن ہوئے تحریروں میں

جھوٹے ہیں سارے افسانے کون کسی پر مرتا ہے

سینے کی ہر ایک جلن سے سمجھوتا کر کے میں نے

ان ساری بیتی باتوں کو تاریکی میں چھوڑ دیا

شیشہ کہہ لو پتھر کہہ لو کبھی بھی کہہ لوں اس دل کو

میں نے اس افسردہ شے کو تنہائی سے جوڑ دیا

اب نازک نازک ذہنوں پر فولادی حملہ ہوگا

شیشوں کے پیکر پگھلیں گے پتھریلی تنہائی میں

خوابوں کا سنسار سنہرا تہہ خانوں میں بھٹکے گا

عقل بچاری جا دبکے گی سوچ کی گہری کھائی میں

tanha baitha hun kamre mein mazi ki taswir liye

ab to anjane qadmon ki ahat se ji darta hai

meri chahat un ke waade dafn hue tahriron mein

jhute hain sare afsane kaun kisi par marta hai

sine ki har ek jalan se samjhota kar ke main ne

un sari biti baton ko tariki mein chhor diya

shisha kah lo patthar kah lo kabhi bhi kah lun is dil ko

main ne is afsurda shai ko tanhai se jor diya

ab nazuk nazuk zehnon par fauladi hamla hoga

shishon ke paikar pighlenge pathrili tanhai mein

khwabon ka sansar sunahra tah khanon mein bhatkega

aql bichari ja dabkegi soch ki gahri khai mein