وادئ مجنوں میں

وادئ مجنوں میں

آبروئے خون میں

روئے سرشار و حسیں

منظر شب کے قریں

میں تمہیں ترتیب دوں

قرب کی ترغیب دوں

عکس کی تعریف میں

رسم کی تحریف میں

ایک افسانہ کہوں

صبح تک جلتا رہا ہوں

تم خرام ناز سے

نطق و لب کے ساز سے

مرگ آسا جاں بہ لب

جادۂ تاریک جب

زندہ و روشن کرو

اور لہرا کر چلو

قتل کر دینا اسے

عکس جو تم سا نہ تھا

حرف جو مجھ سا نہ تھا

جذب شعلۂ خو نہ تھا

رنگ جو خوشبو نہ تھا

wadi-e-majnun mein

abru-e-khun mein

ru-e-sarshar-o-hasin

manzar-e-shab ke qarin

main tumhen tartib dun

qurb ki targhib dun

aks ki taarif mein

rasm ki tahrif mein

ek afsana kahun

subh tak jalta raha hun

tum khiram-e-naz se

nutq-o-lab ke saz se

marg asa jan ba lab

jada-e-tarik jab

zinda-o-raushan karo

aur lahra kar chalo

qatl kar dena use

aks jo tum sa na tha

harf jo mujh sa na tha

jazb-e-shola-e-khu na tha

rang jo khushbu na tha