جو مجھ کو لائی تھی سکون گاہ میں

جو مجھ کو لائی تھی سکون گاہ میں

وہ ایک تھی

سپید، صرف ایک، اس کے پہلوؤں، جبین اور پشت پر

صلیب کے نشان تھے

میں چور چور اک عظیم گھاؤ تھا

وہ مجھ کو دست مہرباں میں سونپ کر

چلی گئی تو میں غنودگی کی بے کراں مہیب دھند میں بھٹک گیا

ہر ایک رہگزر پہ گاڑیوں بسوں کا کارواں امنڈ پڑا

عجیب انقلاب تھا مری نظر کے سامنے

وہ ایک پل میں سب سپید ہو گئیں

سپید سب سپید، ان کے پہلوؤں، جبین اور پشت پر

صلیب کے نشان دفعتاً ابھر کے آ گئے

الم نصیب ان کے بے اماں مکیں

مرے ہی ہم نفس وفا شعار وہ عزیز تھے

جو سادگی سے کوئی مشتہر فریب کھا گئے

کسی مہیب جنگ بھوک قحط یا وبا کی زد میں آ گئے

jo mujh ko lai thi sukun gah mein

wo ek thi

saped, sirf ek, us ke pahluon, jabin aur pusht par

salib ke nishan the

main chur chur ik azim ghao tha

wo mujh ko dast mehrban mein saunp kar

chali gai to main ghunudagi ki be karan muhib dhund mein bhatak gaya

har ek rahguzar pe gariyon bason ka karwan umand para

ajib inqilab tha miri nazar ke samne

wo ek pal mein sab saped ho gain

saped sab saped, un ke pahluon, jabin aur pusht par

salib ke nishan dafatan ubhar ke a gae

alam nasib un ke be aman makin

mire hi ham nafas wafa shiar wo aziz the

jo sadgi se koi mushtahar fareb kha gae

kisi muhib jang bhuk qaht ya waba ki zad mein a gae