آگ کا ذائقہ ہر زباں پر سلگتا ہوا زخم تھا

آگ کا ذائقہ ہر زباں پر سلگتا ہوا زخم تھا

رات کا آہنی در سمندر کی جانب کھلا

آگ ہی آگ تھی

قطرۂ آب پر کار سا خواب تھا

رات کا آہنی در جہنم کی جانب کھلا

راستوں نے کہا کیوں ہجوم فراواں کا انجام عبرت ہوا

کون عبرت کے احساس کو مانتا

موت کو زندگی زندگی کو جہنم فسانہ تمسخر کا حیرت ہوا

ہم سفر تھے وہ ایک دوسرے کے لیے

قرب ان کا مگر آتش خوف تھا

موج سے موج لڑتی ہوئی

موج سے موج ندی کے آلام میں جیسے ڈھلتی ہوئی

کھڑکیاں رہ گزر پر مقدر کی مانند کھلتی رہیں

جو تماشائی ان کے اندھیروں سے ابھرا وہ جلتا گیا

وہ تو ننھا تھا معصوم تھا

اس کو سورج کا یا چاند کا عکس سب نے کہا

وہ بھی جلنے لگا وہ بھی بہتے لہو میں پگھلنے لگا

وہ تو ننھا تھا معصوم تھا

وہ مسیحا تھا وہ آخری نور تھا اس کی تقدیر میں

مرگ بیکار کیوں آج لکھی گئی

ag ka zaiqa har zaban par sulagta hua zakhm tha

rat ka ahani dar samundar ki janib khula

ag hi ag thi

qatra-e-ab par kar sa khwab tha

rat ka ahani dar jahannam ki janib khula

raston ne kaha kyun hujum-e-farawan ka anjam ibrat hua

kaun ibrat ke ehsas ko manta

maut ko zindagi zindagi ko jahannam fasana tamaskhur ka hairat hua

ham safar the wo ek dusre ke liye

qurb un ka magar atish khauf tha

mauj se mauj larti hui

mauj se mauj nadi ke alam mein jaise dhalti hui

khirkiyan rah guzar par muqaddar ki manind khulti rahen

jo tamashai un ke andheron se ubhra wo jalta gaya

wo to nanha tha maasum tha

us ko suraj ka ya chand ka aks sab ne kaha

wo bhi jalne laga wo bhi bahte lahu mein pighalne laga

wo to nanha tha maasum tha

wo masiha tha wo akhiri nur tha us ki taqdir mein

marg bekar kyun aj likhi gai