اس کمرے کی ترتیب سے

اس کمرے کی ترتیب سے

میں مانوس تھا

اس کی ہر شے سے

پتھر سے دیواروں سے

چھوٹی چھوٹی چیزوں اور کتابوں سے

مترنم آوازوں سے

شور مچاتے ہنستے گاتے

گاہے گاہے لمحہ بھر کو

چپ ہو جاتے

اپنے اپنے آسماں سے

تنہائی میں

سکھ اور دکھ کی باتیں کرتے لوگوں سے

ننھی منی سرگوشی میں جادو بھرتی

گڑیا سے

رنگ لٹاتے اس کے نٹ کھٹ گڈے سے

تم تو میرے اپنے تھے

تم نے یہ کیا کر ڈالا

تم نے اپنے ہاتھ سے

میری برسوں کی مانوس لکیریں

درہم برہم کر ڈالیں

آوازوں کی راگنیوں کی تصویروں کی

روشن آنکھیں

تم تو میرے اپنے تھے

تم نے یہ کیا کر ڈالا

is kamre ki tartib se

main manus tha

us ki har shai se

patthar se diwaron se

chhoti chhoti chizon aur kitabon se

mutarannim awazon se

shor machate hanste gate

gahe gahe lamha bhar ko

chup ho jate

apne apne asman se

tanhai mein

sukh aur dukh ki baten karte logon se

nanhi mani sargoshi mein jadu bharti

guriya se

rang lutate us ke nat khit gudde se

tum to mere apne the

tum ne ye kya kar dala

tum ne apne hath se

meri barson ki manus lakiren

dirham barham kar dalen

awazon ki ragniyon ki taswiron ki

raushan ankhen

tum to mere apne the

tum ne ye kya kar dala