گرمیٔ خورشید کا

گرمیٔ خورشید کا

ایک نقش مضطرب

روزن دیوار شب

خوش ادا پر کار ہے

نور سے سرشار ہے

سیل‌ موج شہر میں

وہ اترنے کو ہے اب

خیر مقدم کے لیے

جاگتے ہیں چشم و لب

میری خاطر شہر میں

وہ فروزاں جسم و جاں

وہ درخشاں پیرہن

وہ سنہرا بانکپن

شعلۂ تنویر ہے

خون میں تحلیل ہے

صبح کی تصویر ہے

اس کا روئے شادماں

حشر کے ہنگام تک

میرے دل میں جاوداں

garmi-e-khurshid ka

ek naqsh-e-muztarib

rauzan-e-diwar-e-shab

khush ada par kar hai

nur se sarshar hai

sail-e-mauj-e-shahr mein

wo utarne ko hai ab

khair maqdam ke liye

jagte hain chashm-o-lab

meri khatir shahr mein

wo farozan jism-o-jan

wo darakhshan pairahan

wo sunahra bankpan

shola-e-tanwir hai

khun mein tahlil hai

subh ki taswir hai

us ka roe shadman

hashr ke hangam tak

mere dil mein jawedan