اسیر آرزو ہجوم بے اماں

اسیر آرزو ہجوم بے اماں

شراب روز و شب کی آتش رواں میں

برہمی کے قہقہوں کی بازگشت

اب ہمارے درمیاں

عجیب خواہشوں کے بیج بو رہی ہے

میرے واسطے جو اجنبی ہے

اس کو پاس سے گزرتا دیکھ لوں تو اس کی روشنی

کو نوچ لوں

جو اس کے خون میں اتر رہی ہے

اس کے ایک پل کو دوسرے سے جوڑتی ہے

تیرتی ہے سانس میں

ہوا کی وہ شریر موج چھین لوں

وہ جانور ہماری نسل کا نہیں

وہ کیوں ہنسے وہ کیوں جیے

ہمارے روبرو ہماری آرزو کے روبرو

وہ اس زمیں پہ کیوں چلے

عجیب خواہشیں عجب خواہشوں کی ہم سفر

ہر ایک آئنہ مگر ہے دوسرے کے سامنے

غلیظ صورتیں غلیظ صورتوں کے سامنے

میں اجنبی وہ اجنبی

اسیر آرزو بھی مگر سیاہ کا دل دل بے خبر

وہ دائرہ رواں ہے جس کے ہر سفر کی انتہا

مقام مرگ تازگی مقام مرگ نغمگی

ہوا نمی سفید دھوپ زرد پھول دیکھتے ہی دیکھتے گزر گئے

ہماری آرزو کے بیچ موسموں پہ چھا گئے

asir-e-arzu hujum-e-be aman

sharab roz-o-shab ki atish rawan mein

barhami ke qahqahon ki bazgasht

ab hamare darmiyan

ajib khwahishon ke bij bu rahi hai

mere waste jo ajnabi hai

us ko pas se guzarta dekh lun to us ki raushni

ko noch lun

jo us ke khun mein utar rahi hai

us ke ek pal ko dusre se jorti hai

tairti hai sans mein

hawa ki wo sharir mauj chhin lun

wo janwar hamari nasl ka nahin

wo kyun hanse wo kyun jiye

hamare rubaru hamari arzu ke rubaru

wo is zamin pe kyun chale

ajib khwahishen ajab khwahishon ki ham safar

har ek aina magar hai dusre ke samne

ghaliz suraten ghaliz suraton ke samne

main ajnabi wo ajnabi

asir-e-arzu bhi magar siyah ka dil dil-e-be khabar

wo daira rawan hai jis ke har safar ki intiha

maqam-e-marg tazgi maqam-e-marg naghmagi

hawa nami safed dhup zard phul dekhte hi dekhte guzar gae

hamari arzu ke bich mausamon pe chha gae