میں نان سوختہ کا ذائقہ

میں نان سوختہ کا ذائقہ

اتارتا ہوں

روز و شب

زبان پر

کہ اس کی ہمدمی میں

دوستی میں

عمر کے نشیب میں

اگر میں ڈھل سکوں

تو فصل آفتاب کا

وہ برگ زرد بن سکوں

جو دائرے کی انتہا پہ صرف

موسموں کے خواب دیکھتا ہوں

صبح و شام سوچتا ہوں

آرزو

فریب کار شاہدہ

کہاں ملی تھی اور کون سے حسین موڑ تک

چلے گی میرے ساتھ میرے ساتھ

جوئے آب جوئے مے

ردائے خاک

دور کے سفر کے لوگ

بد گماں ساعتوں کے شہر

میں چلوں گا

میں دشت و کہسار کی

اداس ہجرتوں کو

ننھی منی لوریاں سناؤں گا

میں جنگلوں کی

سنسناہتوں کے پار جاؤں گا

main nan-e-sokhta ka zaiqa

utarta hun

roz-o-shab

zaban par

ke us ki hamdami mein

dosti mein

umr ke nasheb mein

agar main dhal sakun

tu fasl-e-aftab ka

wo barg-e-zard ban sakun

jo daire ki intiha pe sirf

mausamon ke khwab dekhta hun

subh-o-sham sochta hun

arzu

fareb kar shahida

kahan mili thi aur kaun se hasin mor tak

chalegi mere sath mere sath

ju-e-ab-e-ju-e-mai

rida-e-khak

dur ke safar ke log

bad guman saaton ke shahr

main chalunga

main dasht-o-kohsar ki

udas hijraton ko

nanhi mani loriyan sunaunga

main jangalon ki

sansanahaton ke par jaunga