میں نے فراز جسم پر

میں نے فراز جسم پر

محراب لکھ دیا

جب رات ڈھل گئی

میں نے فصیل شہر پر

مہتاب لکھ دیا

میں رات بھر

برہنہ جسم پر لکھا گیا

میں نے سنہرے جسم میں

بوئی تھی داستاں

میں نے سیاہ رات کو

سونپا تھا ماہتاب

وہ رات

میرے دل پہ اضطراب لکھ گئی

وہ رات

دور تک

سنہری دھوپ سرخ پھول

سیل آفتاب لکھ گئی

main ne faraz jism par

mehrab likh diya

jab rat dhal gai

main ne fasil-e-shahr par

mahtab likh diya

main rat bhar

barahna jism par likha gaya

main ne sunahre jism mein

boi thi dastan

main ne siyah rat ko

saunpa tha mahtab

wo rat

mere dil pe iztirab likh gai

wo rat

dur tak

sunahri dhup surkh phul

sail-e-aftab likh gai