گھروں کی رونق

گھروں کی رونق

یہ زرد بچے

پڑھیں لکھیں گے جوان ہوں گے

معاش کی فکر ان کی قسمت

تلاش فردا حیات ان کی

یہ رہ گزاروں پہ اپنے موہوم خواب لے کر پھرا کریں گے

یہ گھر بنائیں گے شادیانے بجائیں گے آنے والے رنگیں دنوں کی خاطر

یہ چند لقموں کی زندگی کا مآل سمجھیں گے حسب دستور

عمر بھر ان کو انگلیوں پر گنا کریں گے

یہ میرا حصہ

یہ تیرا حصہ

پھر ایک دن

یہ بھی زرد بچوں کے باپ ہوں گے

اور ان کی خاطر دعا کریں گے

دراز ہو ان کی عمر دیکھیں یہ سو بہاریں

gharon ki raunaq

ye zard bachche

parhen likhenge jawan honge

maash ki fikr un ki qismat

talash-e-farda hayat un ki

ye rah guzaron pe apne mauhum khwab le kar phira karenge

ye ghar banaenge shadiyane bajaenge ane wale rangin dinon ki khatir

ye chand luqmaun ki zindagi ka maal samjhenge hasb-e-dastur

umr bhar un ko ungliyon par gina karenge

ye mera hissa

ye tera hissa

phir ek din

ye bhi zard bachchon ke bap honge

aur un ki khatir dua karenge

daraz ho un ki umr dekhen ye so baharen