یہ دلی ہے

یہ دلی ہے

یہ پہلی بار پانڈو نے بسائی تھی

اسے دیکھا تو دریودھن حسد سے کھول اٹھا تھا

یہیں وہ شیر دل چوہان رہتا تھا

جسے آواز پر اپنا نشانہ داغنے کا کشف آتا تھا

نظام‌‌ الدین سے روحانیت کا درس لے کر

وجد خسرو نے اسی کے گیت گائے تھے

ہمایوں نے اسی کی خاک میں خود کو ملایا تھا

اسی کے دل کی نازک دھڑکنوں کو میرؔ و غالبؔ نے زباں دی تھی

یہ اپنی ذات میں اک مختصر ہندوستاں یعنی

یہ روہیلوں کی نادر شاہ کی روندی ہوئی دلی

اک ایسا شہر ہے جو بارہا اجڑا مگر جس نے

کبھی اپنی ادائے دلنوازی کو نہیں چھوڑا

اسے تخریب کے ہر وار نے تعمیر کا عرفان بخشا ہے

یہاں ہر ظلم کرنے والا آخر منہ کی کھاتا ہے

یہ ہر وقت ایک البیلی دلہن کی مثل

اپنی مانگ میں سندور بھر کر منتظر رہتی ہے ہر آزردہ خاطر کی

یہاں ہر صاحب دل آ کے جانا بھول جاتا ہے

ye dili hai

ye pahli bar pandau ne basai thi

use dekha to darewdhan hasad se khol utha tha

yahin wo sher dil chauhan rahta tha

jise awaz par apna nishana daghne ka kashf ata tha

nizam-e-alddain se ruhaniyat ka dars le kar

wajd-e-khusrau ne usi ke git gae the

hamiyon ne usi ki khak mein khud ko milaya tha

usi ke dil ki nazuk dharkanon ko mir-o-ghalib ne zaban di thi

ye apni zat mein ik mukhtasar hindostan yaani

ye rohilon ki nadir shah ki raundi hui dili

ik aisa shahr hai jo barha ujra magar jis ne

kabhi apni ada-e-dilnawazi ko nahin chhora

use takhrib ke har war ne taamir ka irfan bakhsha hai

yahan har zulm karne wala akhir munh ki khata hai

ye har waqt ek albeli dulhan ki misl

apni mang mein sindur bhar kar muntazir rahti hai har azurda khatir ki

yahan har sahab-e-dil a ke jana bhul jata hai