رات کو سونے سے پہلے

رات کو سونے سے پہلے

مجھ سے ننھا کہہ رہا تھا چاند لاکھوں میل کیوں کر دور ہے

کیوں چمکتے ہیں ستارے دو غبارے کالی بلی کیا ہوئی

میرے ہاتھی کو پلاؤ گرم پانی وہ کہانی مجھ کو نیند آنے لگی

نصف شب کو آتے جاتے بادلوں کے درمیاں

کچھ حروف ناتواں

بوندیوں کے روپ میں کاغذ کے اک پرزے پہ میرے سامنے

دیر تک گرتے رہے

نظم کے نقش گریزاں نے ستم لاکھوں سہے

ان گنت برسوں پہ پھیلی چشم و دل کی داستاں

رات کے پچھلے پہر کی گود میں

تیز تر ہوتی ہوئی بارش کے لوری سن کے شاید سو گئی

صبح دم

کھل اٹھے چاروں طرف بچوں کے رنگیں قہقہوں اور تالیوں کے شوخ پھول

رات بھر کی تیز بارش کی بنائی جھیل میں

ڈگمگاتی ڈولتی

چل رہی تھیں چھوٹی چھوٹی کشتیاں

میں نے دیکھا ان میں ننھے کی بھی تھی پیاری سی ناؤ

نظم کا نقش گریزاں جانا پہچانا سا کاغذ جانے پہچانے حروف

ننھا بولا آج جو تالی نہ پیٹے بےوقوف

rat ko sone se pahle

mujh se nanha kah raha tha chand lakhon mel kyun kar dur hai

kyun chamakte hain sitare do ghubare kali billi kya hui

mere hathi ko pilao garm pani wo kahani mujh ko nind ane lagi

nisf-e-shab ko ate jate badalon ke darmiyan

kuchh huruf natawan

bundiyon ke rup mein kaghaz ke ik purze pe mere samne

der tak girte rahe

nazm ke naqsh gurezan ne sitam lakhon sahe

an ginat barson pe phaili chashm-o-dil ki dastan

rat ke pichhle pahar ki god mein

tez tar hoti hui barish ke lori sun ke shayad so gai

subh dam

khul uthe charon taraf bachchon ke rangin qahqahon aur taliyon ke shokh phul

rat bhar ki tez barish ki banai jhil mein

dagmagati dolti

chal rahi thin chhoti chhoti kashtiyan

main ne dekha un mein nanhe ki bhi thi pyari si nao

nazm ka naqsh gurezan jana pahchana sa kaghaz jane pahchane huruf

nanha bola aj jo tali na pite bewuquf