کہتے ہیں سب لوگ

کہتے ہیں سب لوگ

ہوتے ہیں

دیواروں کے کان

کمروں کی تنہائی میں

سرگوشی میں کیا کیا باتیں کرتے ہیں

چھپ چھپ کر جب لوگ

دیواریں سب سن لیتی ہیں

سن لیتے ہیں لوگ

دیواروں کی آنکھ بھی ہوتی ہے

کتنا اچھا ہوتا

آنکھ ہے کان سے بہتر شاید

کمرے کا ہو یا پھر چلتی راہ گزر کا

نظارہ تو نظارہ ہے

منظر آخر منظر ہے

کیا کیا کرتے لوگ

دیکھا کرتے لوگ

دیواروں کے باہر سے

تاریکی میں دیواروں کی جانب جب بھی قدم اٹھاتے

لمحہ بھر کو ممکن ہے

سوچا کرتے لوگ

kahte hain sab log

hote hain

diwaron ke kan

kamron ki tanhai mein

sargoshi mein kya kya baten karte hain

chhup chhup kar jab log

diwaren sab sun leti hain

sun lete hain log

diwaron ki ankh bhi hoti hai

kitna achchha hota

ankh hai kan se behtar shayad

kamre ka ho ya phir chalti rah guzar ka

nazzara to nazzara hai

manzar akhir manzar hai

kya kya karte log

dekha karte log

diwaron ke bahar se

tariki mein diwaron ki janib jab bhi qadam uthate

lamha bhar ko mumkin hai

socha karte log