تیری قربت کی لذت شیریں

تیری قربت کی لذت شیریں

جسم و جاں میں اترتی جاتی ہے

چاند اوپر ہے نیلے امبر میں

جھیل نیچے ہے اور ہم دونوں

آ مرے پاس آ یہاں شب بھر

اپنے جسموں کی وادیٔ نو میں

سبز پیڑوں کھنکتے جھرنوں کی

نغمگی لطیف کو ڈھونڈیں

اپنی روحیں کثافت غم سے

تیر اٹھیں گی تازہ زندہ

دو کنول کے حسین پھولوں کے

روپ میں ڈھل کے مسکرائیں گی

اور پریاں ہمیں سلائیں گی

آسماں سے زمین تک ہستی

خواب ہے اور خواب آوارہ

جھونکے آتے ہیں نرم اور تازہ

دونوں جسموں میں رازداری ہے

دونوں روحوں پہ وجد طاری ہے

teri qurbat ki lazzat-e-shirin

jism-o-jan mein utarti jati hai

chand upar hai nile ambar mein

jhil niche hai aur ham donon

a mire pas a yahan shab bhar

apne jismon ki wadi-e-nau mein

sabz peron khanakte jharnon ki

naghmagi latif ko dhunden

apni ruhen kasafat-e-gham se

tir uthengi taza zinda

do kanwal ke hasin phulon ke

rup mein dhal ke muskuraengi

aur pariyan hamen sulaengi

asman se zamin tak hasti

khwab hai aur khwab awara

jhonke ate hain narm aur taza

donon jismon mein razdari hai

donon ruhon pe wajd tari hai