دم عمر رواں کا دائرہ

دم عمر رواں کا دائرہ

رکتا ہے اک لمحے پہ شاید ہر برس

وہ میری پیدائش کی ساعت ہے

تمہاری یا ہمارے ننھے بچوں کی

ہمارے رشتۂ انداراج میں

یا شعلۂ گل سے

منور غیر رسمی اجنبی وابستگی کی

جو رگ و پے میں مسلسل ہو گئی

میں روکتا ہوں بے وفا لمحے کو

پیہم سینچتا ہوں خون سے اس کو

دریدہ انگلیوں سے

کاٹ کر اس کو کھلاتا ہوں میں دل کا خوشۂ نازک

مگر یہ طائر رعنا

پریشاں فاصلوں کے نور کا رسیا

زمینوں آسمانوں اور خلاؤں

سے بھی شاید ماورا ہے

مختصر سے جشن پر ہنستا ہوا

ہر سرحد امکاں سے میری تیرگی سے

دور جاتا ہے

فلک کی روشنی کی

وادیوں میں

منتظر ہے

کوئی انجانا انوکھا خوب صورت اجنبی اس کا

dam umr-e-rawan ka daira

rukta hai ik lamhe pe shayad har baras

wo meri paidaish ki saat hai

tumhari ya hamare nanhe bachchon ki

hamare rishta-e-andaraj mein

ya shola-e-gul se

munawwar ghair rasmi ajnabi wabastagi ki

jo rag-o-pe mein musalsal ho gai

main rokta hun be wafa lamhe ko

paiham sinchta hun khun se us ko

darida ungliyon se

kat kar us ko khilata hun main dil ka khosha-e-nazuk

magar ye tair-e-raana

pareshan faslon ke nur ka rasiya

zaminon asmanon aur khalaon

se bhi shayad mawara hai

mukhtasar se jashn par hansta hua

har sarhad-e-imkan se meri tirgi se

dur jata hai

falak ki raushni ki

wadiyon mein

muntazir hai

koi anjana anokha khub surat ajnabi us ka