حریف کون تھا غلیظ بد نما سا جانور

حریف کون تھا غلیظ بد نما سا جانور

وہ بے خبر

جو رینگتا ہوا چلا

جو رینگتا چلا گیا

نہ جانے کس جہان سے تمہاری رہ میں آ گیا

اصول بن کے زندگی کے آسماں پہ چھا گیا

تمہیں یہ غم ستا رہا ہے آج بھی

غلط گھڑی میں نیند تم کو آ گئی

ستم عجیب ڈھا گئی

مذاق ہی مذاق میں

زمانے بھر کے سامنے تمہارا سر جھکا گئی

یقین سے فرار تک

ہزار مرحلے تمہارے ذہن سے گزر گئے

دل و نظر کو وسوسوں سے بھر گئے

شکست کی خلش بڑی شدید تھی

کسی طرح نہ مٹ سکی

حروف پر خطر سے فیصلوں کو تولتی رہی

انا کے مضطرب لہو میں زہر گھولتی رہی

harif kaun tha ghaliz bad numa sa janwar

wo be khabar

jo rengta hua chala

jo rengta chala gaya

na jane kis jahan se tumhari rah mein a gaya

usul ban ke zindagi ke asman pe chha gaya

tumhen ye gham sata raha hai aj bhi

ghalat ghari mein nind tum ko a gai

sitam ajib dha gai

mazaq hi mazaq mein

zamane bhar ke samne tumhara sar jhuka gai

yaqin se farar tak

hazar marhale tumhare zehn se guzar gae

dil-o-nazar ko waswason se bhar gae

shikast ki khalish bari shadid thi

kisi tarah na mit saki

huruf pur khatar se faislon ko tolti rahi

ana ke muztarib lahu mein zahr gholti rahi