پیڑوں کے پتے

پیڑوں کے پتے

جلتی دوپہروں کو

آنے جانے والوں کو

سایہ دیتے ہیں

اپنے ہونے کا اعلان نہیں کرتے

سائے کا اعلان نہیں کرتے

میں گھر سے بچھڑا تھا جب

تو اکثر

برسوں

جلتی دھوپ میں

ان کی شفقت کے سائے میں سویا تھا

کچھ دن سے

دور دور تک آسمان میں آگ

دور دور تک پیاسے جلتے بجھتے لوگ

بادل بارش

سبزہ پتے پودے پیڑ

بھولے بسرے خواب

دور دور تک شعلوں کے طوفان کا موسم آیا

سب کے سر پر

آنے والے موسم کے اعلان کا گھٹتا بڑھتا سایہ

یہ کیسا موسم آیا

peron ke patte

jalti dopaharon ko

ane jane walon ko

saya dete hain

apne hone ka elan nahin karte

sae ka elan nahin karte

main ghar se bichhra tha jab

tu aksar

barson

jalti dhup mein

un ki shafqat ke sae mein soya tha

kuchh din se

dur dur tak asman mein ag

dur dur tak pyase jalte bujhte log

badal barish

sabza patte paude per

bhule basre khwab

dur dur tak sholon ke tufan ka mausam aya

sab ke sar par

ane wale mausam ke elan ka ghatta barhta saya

ye kaisa mausam aya