لوگ کہتے ہیں

لوگ کہتے ہیں

آواز کا

ایک چہرہ بھی ہوتا ہے

انداز بھی جسم بھی

سرخ سورج کا سونا

درختوں کے اس پار

مہتاب کی سیم گوں موج عریاں

سمندر کی آویزشوں کا

پر اسرار نغمہ

محبت کی لذت کی گرمی

کبھی شبنمی ننھی منی سی لوری

کہانی

سیہ کار شب میں

کوئی خون آلودہ باب عدالت

مکافات کا سلسلہ

دل کی ویرانیوں سے گزرتا ہوا

کوئی حرف ملامت

ندامت

ہجوم نقوش فراواں کا ہنگام

میں یاد کرتا ہوں

آواز چہرہ حسیں جسم

سب زاویے دائرے اور قوسیں

شب و روز

رفتار کی آگ میں

موج در موج بہتی ہوئی راگنی

دور کی وادیوں میں

سر شام

دم توڑتی روشنی

نغمگی روشنی نغمگی

تیرگی بے بسی خامشی

رنگ و خوشبو سے سرشار

صدیوں پرانی زمیں

دور جاتا ہوا کارواں

جسم آواز کا وحشی بے زباں

اک جنوں ایک معکوس برہم سکوں

زیر و بم زیر و بم

اضطراب اضطراب

اجنبی موسموں کا جہاں

فاصلوں سرحدوں سے پرے

وسعتوں میں پر افشاں

پرندوں بھرا نیلگوں بے کراں نیلگوں آسماں

log kahte hain

awaz ka

ek chehra bhi hota hai

andaz bhi jism bhi

surkh suraj ka sona

darakhton ke us par

mahtab ki sim gun mauj uryan

samundar ki awezishon ka

pur asrar naghma

mohabbat ki lazzat ki garmi

kabhi shabnami nanhi mani si lori

kahani

siyah kar shab mein

koi khun aluda bab-e-adalat

mukafat ka silsila

dil ki wiraniyon se guzarta hua

koi harf-e-malamat

nadamat

hujum-e-nuqush farawan ka hangam

main yad karta hun

awaz chehra hasin jism

sab zawiye daire aur qausen

shab-o-roz

raftar ki ag mein

mauj dar mauj bahti hui ragni

dur ki wadiyon mein

sar-e-sham

dam torti raushni

naghmagi raushni naghmagi

tirgi be basi khamushi

rang-o-khushbu se sarshar

sadiyon purani zamin

dur jata hua karwan

jism awaz ka wahshi be zaban

ik junun ek maakus barham sukun

zer-o-bam zer-o-bam

iztirab iztirab

ajnabi mausamon ka jahan

faslon sarhadon se pare

wusaton mein par afshan

parindon bhara nilgun be karan nilgun asman