صبا کے ہاتھ پیلے ہو گئے

صبا کے ہاتھ پیلے ہو گئے

میں ساعت سرشار میں

لاکھوں دعائیں

خوبصورت آرزوئیں

پیش کرتا ہوں

صبا ممنون ہے

لیکن زباں ہے

کچھ نہیں کہتی

صبا اب روز و شب

دیوار و در تن پر سجاتی ہے

اب آنچل چھت کا سر پر اوڑھتی ہے

لمس فرش مرمریں سے

پاؤں کی تزئین کرتی ہے

وہ کہساروں شگفتہ وادیوں جھرنوں

چمکتے نیلگوں آکاش کے

نغمے نہیں گاتی

صبا اب لالہ و گل کی طرف شاید نہیں آتی

صبا شبنم ادا تصویر پا بستہ

در روزن میں آویزاں

حسیں نازک بدن

روشن منور ساحلوں پر اب نہیں بہتی

صبا لب کھولتی ہے مسکراتی ہے

صبا سرگوشیوں میں

اب کسی سے کچھ نہیں کہتی

saba ke hath pile ho gae

main saat sarshar mein

lakhon duaen

khubsurat arzuen

pesh karta hun

saba mamnun hai

lekin zaban hai

kuchh nahin kahti

saba ab roz-o-shab

diwar-o-dar tan par sajati hai

ab anchal chhat ka sar par orhti hai

lams farsh marmarin se

paon ki tazin karti hai

wo kohsaron shagufta wadiyon jharnon

chamakte nilgun akash ke

naghme nahin gati

saba ab lala-o-gul ki taraf shayad nahin ati

saba shabnam ada taswir pa basta

dar rauzan mein awezan

hasin nazuk badan

raushan munawwar sahilon par ab nahin bahti

saba lab kholti hai muskurati hai

saba sargoshiyon mein

ab kisi se kuchh nahin kahti