دسمبر چیختا ہے جب رگوں میں

دسمبر چیختا ہے جب رگوں میں

لطف سے عاری پریشاں محفلوں میں

مجھ کو وہ بدنام دشمن یاد آتا ہے

جو میرے خون کا پیاسا گلی سے جب گزرتا تھا

مرے اعصاب میں اک سنسنی سی دوڑ جاتی تھی

میں اس لمحے کی برہم آگ میں جلتا ہوا

محسوس کرتا تھا

میں زندہ ہوں مسلسل ہوں

میں زندہ ہوں مسلسل ہوں

وہ دشمن مر گیا

یا دوستوں آ آ ملا

میں سوچتا ہوں پوچھتا ہوں

کون بتلائے گا

میرے فکر اور احساس کی بے سمت رو

بہتی ہے روز و شب

دسمبر چیختا ہے اب

کہاں منزل کہاں منزل

disambar chikhta hai jab ragon mein

lutf se ari pareshan mahfilon mein

mujh ko wo badnam dushman yad ata hai

jo mere khun ka pyasa gali se jab guzarta tha

mire aasab mein ik sansani si daur jati thi

main is lamhe ki barham ag mein jalta hua

mahsus karta tha

main zinda hun musalsal hun

main zinda hun musalsal hun

wo dushman mar gaya

ya doston a a mila

main sochta hun puchhta hun

kaun batlaega

mere fikr aur ehsas ki be samt ro

bahti hai roz-o-shab

disambar chikhta hai ab

kahan manzil kahan manzil