تیرگی میں بھیانک صدائیں اٹھیں

تیرگی میں بھیانک صدائیں اٹھیں

اور دھواں سا فضاؤں میں لہرا گیا

موت کی سی سپیدی افق تا افق

تلملانے لگی

اور پھر ایک دم

سسکیاں چار سو تھرتھرا کر اٹھیں

ایک ماں سینہ کوبی سے تھک کر گری

اک بہن اپنی آنکھوں میں آنسو لیے

راہ تکتی رہی

ایک ننھا کھلونے کی امید میں

سر کو دہلیز پر رکھ کے سوتا رہا

ایک معصوم صورت دریچے سے سر کو لگائے ہوئے

خواب بنتی رہی

منتظر تھیں نگاہیں بڑی دیر سے

منتظر ہی رہیں

موت کی سی سپیدی افق تا افق

تلملاتی رہی

tirgi mein bhayanak sadaen uthen

aur dhuan sa fazaon mein lahra gaya

maut ki si sapedi ufuq ta ufuq

tilmilane lagi

aur phir ek dam

siskiyan char su tharthara kar uthen

ek man sina kobi se thak kar giri

ik bahan apni ankhon mein ansu liye

rah takti rahi

ek nanha khilaune ki ummid mein

sar ko dahliz par rakh ke sota raha

ek maasum surat dariche se sar ko lagae hue

khwab banti rahi

muntazir thin nigahen bari der se

muntazir hi rahen

maut ki si sapedi ufuq ta ufuq

tilmilati rahi