ہزاروں کوششیں کیں آزما کر

ہزاروں کوششیں کیں آزما کر

نہ جی پائی کبھی تم کو بھلا کر

بڑی شائستگی سے دل یہ میرا

چرایا تم نے ہے نظریں ملا کر

نگاہیں ڈھونڈھتی رہتیں ہیں تم کو

کہاں گم ہو گئے چہرہ دکھا کر

ہمیں تم سے محبت ہو نہ جائے

ہمیں دیکھو نہ اتنا مسکرا کر

سکوں مل جائے گا بیتاب دل کو

کبھی دیکھو تو سینہ سے لگا کر

رکھے گی یاسمیںؔ دل میں ہمیشہ

تمہیں دنیا کی نظروں سے بچا کر

hazaron koshishen kin azma kar

na ji pai kabhi tum ko bhula kar

bari shaistagi se dil ye mera

churaya tum ne hai nazren mila kar

nigahen dhundhti rahten hain tum ko

kahan gum ho gae chehra dikha kar

hamen tum se mohabbat ho na jae

hamen dekho na itna muskura kar

sukun mil jaega betab dil ko

kabhi dekho to sina se laga kar

rakhegi yasmin dil mein hamesha

tumhen duniya ki nazron se bacha kar