عشق میں اب خون پانی کیجیے

عشق میں اب خون پانی کیجیے

نذر وحشت یہ جوانی کیجیے

آپ کے ہاتھوں میں ہے سانسوں کی ڈور

جتنی چاہے کھینچا تانی کیجیے

التجا کر کے نہ شرمندہ کریں

حکمراں ہیں حکمرانی کیجیے

مل رہے ہیں ہم پرانے موڑ پر

آپ پھر باتیں پرانی کیجیے

میں بہت مشکل سے ملتا ہوں حضور

مل گیا ہوں میزبانی کیجیے

میرا تو ہے لب کشا ہونا گناہ

آپ ہی جادو بیانی کیجیے

ذکر کیجے اب عطاؔ کے شعر کا

ختم عامرؔ کی کہانی کیجیے

ishq mein ab khun pani kijiye

nazr-e-wahshat ye jawani kijiye

ap ke hathon mein hai sanson ki dor

jitni chahe khincha tani kijiye

iltija kar ke na sharminda karen

hukmaran hain hukmarani kijiye

mil rahe hain ham purane mor par

ap phir baten purani kijiye

main bahut mushkil se milta hun huzur

mil gaya hun mezbani kijiye

mera to hai lab kusha hona gunah

ap hi jadu bayani kijiye

zikr kije ab ata ke sher ka

khatm amir ki kahani kijiye