Arooz is now on the App Store, for iPhone and iPad. Download →

All poetry

بنا سکتا ہوں میں بھی خوبصورت کشتیاں

Badiuzzaman Khawar (1938–1990)

بنا سکتا ہوں میں بھی خوبصورت کشتیاں

لیکن

امڈتے ہی نہیں بادل

برستا ہی نہیں پانی

مچلتی ہی نہیں ندی

بنا سکتا ہوں میں بھی خوبصورت کشتیاں

لیکن

نہ بہتا ہے کوئی نالہ

نہ بنتی ہے کوئی کشتی

نہ چلتی ہے کوئی کشتی

بنا سکتا ہوں میں بھی خوبصورت کشتیاں

لیکن

بنانا چاہتا ہوں جب بھی کوئی خوش نما کشتی

اڑا لیتا ہے کاغذ خشک موسم

میرے ہاتھوں سے