چلو ہم اپنے گھر کی چھت پر

چلو ہم اپنے گھر کی چھت پر

لٹکا دیں

سورج کا جھومر

اس جھومر کی آگ پہ تم بھی

سینک سکو گی

اپنی روٹی

اس جھومر کی آنچ پہ میں بھی

جلا سکوں گا

اپنی بیڑی

اور اپنے بچے بھی کسی دن

فرط خوشی میں ناچ سکیں گے

مار کے اس جھومر کو پتھر

چلو ہم اپنے گھر کی چھت پر

لٹکا دیں سورج کا جھومر

chalo ham apne ghar ki chhat par

latka den

suraj ka jhumar

is jhumar ki ag pe tum bhi

saink sakogi

apni roti

is jhumar ki anch pe main bhi

jala sakunga

apni beri

aur apne bachche bhi kisi din

fart-e-khushi mein nach sakenge

mar ke is jhumar ko patthar

chalo ham apne ghar ki chhat par

latka den suraj ka jhumar