سحر کے ساتھ وہ خاموش ہو چکا ہے مگر

سحر کے ساتھ وہ خاموش ہو چکا ہے مگر

شراب نور مسلسل پلا رہا ٔہے مجھے

مری نگاہوں سے روپوش ہو چکا ہے مگر

قدم قدم پہ وہ صورت دکھا رہا ہے مجھے

مکان میں نظر آتا نہیں کہیں بھی مگر

میں اس کو ڈھونڈوں تو بے انتہا محبت سے

مجھے وہ دوڑ کر اپنے گلے لگاتا ہے

پلنگ اس کا ہے خالی مگر اسی پر وہ

میں رو پڑوں تو مجھے پیار سے بٹھاتا ہے

میں غم کی دھوپ میں جلنے لگوں تو رہ رہ کر

مری جبیں پہ وہ شفقت سے ہاتھ رکھتا ہے

وہ میرے پاس مرے ساتھ ہر گھڑی ہے مگر

جو لوگ قبر میں اس کو اتار آئے ہیں

ہیں سوگوار دلاؤں انہیں یقیں کیونکر

مرا نہیں ہے مرا باپ اب بھی زندہ ہے

sahar ke sath wo khamosh ho chuka hai magar

sharab nur-e-musalsal pila raha hai mujhe

miri nigahon se ruposh ho chuka hai magar

qadam qadam pe wo surat dikha raha hai mujhe

makan mein nazar ata nahin kahin bhi magar

main us ko dhundun to be intiha mohabbat se

mujhe wo daur kar apne gale lagata hai

palang us ka hai khali magar usi par wo

main ro parun to mujhe pyar se bithata hai

main gham ki dhup mein jalne lagun to rah rah kar

miri jabin pe wo shafqat se hath rakhta hai

wo mere pas mire sath har ghari hai magar

jo log qabr mein us ko utar ae hain

hain sogwar dilaun unhen yaqin kyunkar

mira nahin hai mira bap ab bhi zinda hai