نکلے سفر کو پیدل وہ چار ہم سفر تھے

نکلے سفر کو پیدل وہ چار ہم سفر تھے

سب اپنے راستے اور منزل سے باخبر تھے

اک فلسفی تھا ان میں دوسرا تھا نائی

پھر تیسرا سپاہی گنجا تھا جس کا بھائی

جنگل میں رات آئی لازم تھا ان کو سونا

لے کر چلے تھے اپنے وہ اوڑھنا بچھونا

سوئے کچھ اس طرح وہ اس میں ہوشیاری

ہر ایک کا تھا پہرا دو گھنٹے باری باری

پہلے سپاہی جاگا پھر آدھی رات آئی

وہ سو گیا تو پہرا دینے لگا تھا نائی

لمبے تھے اور گھنے تھے جو بال اس کے سر پر

نائی نے مونڈ ڈالے تیز استرا پھیر کر

بیدار فلسفی کو کر کے یہ بولا نائی

باری اب آپ کی ہے اٹھ جاؤ میرے بھائی

جب ہاتھ فلسفی نے چندیا پہ اپنی پھیرا

آپے سے ہو کے باہر نائی کو اس نے گھیرا

یہ کیا غضب کیا ہے ناحق اسے اٹھایا

باری تھی فلسفی کی گنجے کو کیوں جگایا

nikle safar ko paidal wo char ham safar the

sab apne raste aur manzil se bakhabar the

ik falsafi tha un mein dusra tha nai

phir tisra sipahi ganja tha jis ka bhai

jangal mein rat ai lazim tha un ko sona

le kar chale the apne wo orhna bichhauna

soe kuchh is tarah wo is mein hoshyari

har ek ka tha pahra do ghante bari bari

pahle sipahi jaga phir adhi rat ai

wo so gaya to pahra dene laga tha nai

lambe the aur ghane the jo bal us ke sar par

nai ne mund dale tez astara pher kar

bedar falsafi ko kar ke ye bola nai

bari ab ap ki hai uth jao mere bhai

jab hath falsafi ne chandiya pe apni phera

ape se ho ke bahar nai ko us ne ghera

ye kya ghazab kya hai nahaq use uthaya

bari thi falsafi ki ganje ko kyun jagaya