یہی دعا ہے یہی آرزو دکھائی دے
Yasmeen Moomal (b. 1985)یہی دعا ہے یہی آرزو دکھائی دے
ہٹے یہ خاک مجھے خوب رو دکھائی دے
بنا کے رکھی ہے تصویر جو خیالوں میں
میں چاہتی ہوں کوئی ہو بہ ہو دکھائی دے
دھڑکتے دل سے سدا آ رہی ہے بس اتنی
میں آنکھ بند کروں اور تو دکھائی دے
یہی دعا ہے خدا سے فلک کے چاند کے بعد
زمیں کا چاند مجھے روبرو دکھائی دے
نہ کھیل پائے گا عزت سے کھیلنے والا
اگر بہن کی اسے آبرو دکھائی دے
نماز عشق ادا ہو نہیں سکی اب تک
طلوع شمس کی کچھ جستجو دکھائی دے
دعا یہ کرتی ہی رہتی ہوں یاسمیںؔ ہر دم
جسے میں چاہوں وہی کو بہ کو دکھائی دے
yahi dua hai yahi arzu dikhai de
hate ye khak mujhe khub ru dikhai de
bana ke rakhi hai taswir jo khayalon mein
main chahti hun koi hu ba hu dikhai de
dharakte dil se sada a rahi hai bas itni
main ankh band karun aur to dikhai de
yahi dua hai khuda se falak ke chand ke baad
zamin ka chand mujhe rubaru dikhai de
na khel paega izzat se khelne wala
agar bahan ki use abru dikhai de
namaz-e-ishq ada ho nahin saki ab tak
tulu-e-shams ki kuchh justuju dikhai de
dua ye karti hi rahti hun yasmin har dam
jise main chahun wahi ku ba ku dikhai de