آگ کے شعلے اتارو حلق میں

آگ کے شعلے اتارو حلق میں

گاڑ دو کیلیں دھڑکتی چھاتیوں میں

ڈال دو گردن میں پھندے رسیوں کے

قتل کر لو خون کی ندیاں بہا لو

ہو نہتا کوئی تو گولی چلا لو

پھر بھی ہو کوئی کسر تو پوری کر لو

جیت کا اعلان کر دو

پھر بھی تم ڈرتے رہو گے

اور ہر یگ میں تمہاری ہار ہی ہوتی رہے گی

پھر بھی تم چہرے بدل کر ہر زمانہ میں رہو گے

اور صدیوں تک

یہی اک سلسلہ چلتا رہے گا

ag ke shole utaro halq mein

gar do kilen dharakti chhatiyon mein

dal do gardan mein phande rassiyon ke

qatl kar lo khun ki nadiyan baha lo

ho nahta koi to goli chala lo

phir bhi ho koi kasr to puri kar lo

jit ka elan kar do

phir bhi tum darte rahoge

aur har yag mein tumhari har hi hoti rahegi

phir bhi tum chehre badal kar har zamana mein rahoge

aur sadiyon tak

yahi ik silsila chalta rahega