کوئی میرے لرزتے ہاتھ میں

کوئی میرے لرزتے ہاتھ میں

کاغذ کا پرزہ اور قلم پکڑا رہا تھا

کبھی کچھ زیر لب ہی بڑبڑا کر

کوئی اثبات میں

آنکھوں کی اور ماتھے کی جنبش چاہتا تھا

کبھی دانتوں میں ہونٹوں کو دبا کر

کوئی رونے کی کوشش کر رہا تھا

کوئی تو چند لمحوں بعد اپنے

بال بکھرانے گریباں نوچنے کی فکر میں تھا

کوئی غمگیں چہرہ اور سیاہ ملبوس میں

بے حد حسیں معلوم دیتا تھا

میرے اجداد کے ناموں کو گنوا کر

کوئی مجھ سے تعلق جوڑتا تھا

سبھی نزدیک تھے میرے

ادھر بھائی بھتیجے تھے

ادھر بہنیں تھیں بھانجے تھے

پھر ان کے بعد

رشتے جوڑنے والے صف آرا تھے

یہ لگتا تھا کہ کچھ ہی دیر میں

ماتم بپا ہوگا

میں ان باتوں سے

بستر پر پڑا

آنکھوں کو تھوڑی سی کھلی رکھ کر

بڑے دلچسپ موڈ میں تھا

سبھی غمگین تھے لیکن

تمنائیں تھیں آنکھوں میں

یکایک میں نے کروٹ لی

اور آنکھیں کھول کر اٹھنے کی کوشش کی

تو دیکھا

سبھی کے لب پہ مصنوعی ہنسی تھی

چمک آنکھوں سے غائب تھی

koi mere larazte hath mein

kaghaz ka purza aur qalam pakra raha tha

kabhi kuchh zer-e-lab hi burbura kar

koi isbat mein

ankhon ki aur mathe ki jumbish chahta tha

kabhi danton mein honton ko daba kar

koi rone ki koshish kar raha tha

koi to chand lamhon baad apne

bal bikharane gareban nochne ki fikr mein tha

koi ghamgin chehra aur siyah malbus mein

be had hasin maalum deta tha

mere ajdad ke namon ko ganwa kar

koi mujh se taalluq jorta tha

sabhi nazdik the mere

idhar bhai bhatije the

idhar bahnen thin bhanje the

phir un ke baad

rishte jorne wale saf ara the

ye lagta tha ke kuchh hi der mein

matam bapa hoga

main in baton se

bistar par para

ankhon ko thori si khuli rakh kar

bare dilchasp mud mein tha

sabhi ghamgin the lekin

tamannaen thin ankhon mein

yakayak main ne karwat li

aur ankhen khol kar uthne ki koshish ki

to dekha

sabhi ke lab pe masnui hansi thi

chamak ankhon se ghaib thi