آرزؤں کو وسعت نہ دو

آرزؤں کو وسعت نہ دو

اپنے ہی دائرے میں مقید کرو

ورنہ یہ پھیل کر

ہر طرف سے تمہیں گھیر لیں گی

نوچ ڈالیں گی زخمی کریں گی

خود بکھر جائیں گے مر جائیں گے

اپنی ہی لاش سر پر اٹھائے

بیچ بازار ننگے پھرو گے

اپنے ہی لوگ نزدیک آ کر

تم کو دیکھیں گے منہ پھیر لیں گے

تم کو غلطی کا احساس ہوگا

تھوک نگلو گے کڑوا لگے گا

رات ویران بے کیف ہوگی

دن پہاڑوں سا بھاری لگے گا

آرزوؤں کو وسعت نہ دو

اپنے ہی دائرے میں مقید کرو

ورنہ یہ پھیل کر

ہر طرف سے تمہیں گھیر لیں گی

arzuon ko wusat na do

apne hi daire mein muqayyad karo

warna ye phail kar

har taraf se tumhen gher lengi

noch dalengi zakhmi karengi

khud bikhar jaenge mar jaenge

apni hi lash sar par uthae

bich bazar nange phiroge

apne hi log nazdik a kar

tum ko dekhenge munh pher lenge

tum ko ghalati ka ehsas hoga

thuk nigloge karwa lagega

rat wiran be kaif hogi

din paharon sa bhari lagega

arzuon ko wusat na do

apne hi daire mein muqayyad karo

warna ye phail kar

har taraf se tumhen gher lengi