زیست کے اندھیرے میں روشنی نہیں آتی

زیست کے اندھیرے میں روشنی نہیں آتی

یاد آج کل مجھ کو آپ کی نہیں آتی

موت سے بہت پہلے لوگ مرتے دیکھے ہیں

راس ہر کسی کو یہ زندگی نہیں آتی

آئنہ ہوں الفت کا میں اسی لیے مجھ کو

دوستی تو آتی ہے دشمنی نہیں آتی

آپ جیسے کرتے ہیں بھول کر زمانے کو

اس طرح مجھے کرنی بندگی نہیں آتی

جو بھی کام کرتے ہیں دل لگا کے کرتے ہیں

آپ کی قسم ہم کو دل لگی نہیں آتی

جب تلک شجر کو ہم سینچتے نہیں جڑ تک

تب تلک تو اس میں بھی تازگی نہیں آتی

کر دیا ہے زخموں نے یاسمیںؔ کا دل پتھر

مسکراتے ہونٹوں پر اب ہنسی نہیں آتی

zist ke andhere mein raushni nahin ati

yad aj kal mujh ko ap ki nahin ati

maut se bahut pahle log marte dekhe hain

ras har kisi ko ye zindagi nahin ati

aina hun ulfat ka main isi liye mujh ko

dosti to ati hai dushmani nahin ati

ap jaise karte hain bhul kar zamane ko

is tarah mujhe karni bandagi nahin ati

jo bhi kam karte hain dil laga ke karte hain

ap ki qasam ham ko dil lagi nahin ati

jab talak shajar ko ham sinchte nahin jur tak

tab talak to is mein bhi tazgi nahin ati

kar diya hai zakhmon ne yasmin ka dil patthar

muskurate honton par ab hansi nahin ati