کبھی آنچ اٹھے

کبھی آنچ اٹھے

کبھی برف پگھلے

کبھی دشت میں بج اٹھے جل ترنگ

سمندر کبھی تو پکارے مجھے

فلک سے تکلم کا یہ سلسلہ ٹوٹ جائے کبھی

پہاڑی کبھی تو اتارے مجھے

ہری دوب ننگا بدن گدگدائے

جلی ریت تلووں کو چاٹے

کبھی جسم میں رات جاگے کوئی

کبھی رات میں نیند آئے مجھے

کبھی نیند میں خواب ٹوٹے کوئی

کبھی خواب کے ٹوٹنے کے قریب

مجھے ایک بے ہوش طوفاں ملے

kabhi anch uthe

kabhi barf pighle

kabhi dasht mein baj uthe jal tarang

samundar kabhi to pukare mujhe

falak se takallum ka ye silsila tut jae kabhi

pahari kabhi to utare mujhe

hari dub nanga badan gudgudae

jali ret talwon ko chate

kabhi jism mein rat jage koi

kabhi rat mein nind ae mujhe

kabhi nind mein khwab tute koi

kabhi khwab ke tutne ke qarib

mujhe ek be hosh tufan mile