زندگی شمع کی صورت ہو خدایا میری

زندگی شمع کی صورت ہو خدایا میری

مانگتا تھا یہ دعا

شام و سحر بچپن میں

جانے کیا روز تھا کیا وقت تھا کیا لمحہ تھا

در تاثیر کھلا تھا

کہ خدا عرش بریں سے

چلا آیا تھا زمیں پر

نور اک چمکا کچھ ایسا کہ مرے سینے میں

آگ سی ایک لگی

اور پھر بڑھتی رہی رگ رگ میں

اور اب حال یہ ہے

جسم کا کوئی بھی انگ

آگ سے خالی نہیں

نہ کوئی پھونک نہ طوفاں

آگ پھیلی ہی چلی جاتی ہے

میں پگھلتا ہی چلا جاتا ہوں

zindagi shama ki surat ho khudaya meri

mangta tha ye dua

sham-o-sahar bachpan mein

jane kya roz tha kya waqt tha kya lamha tha

dar tasir khula tha

ke khuda arsh-e-barin se

chala aya tha zamin par

nur ik chamka kuchh aisa ke mire sine mein

ag si ek lagi

aur phir barhti rahi rag rag mein

aur ab hal ye hai

jism ka koi bhi ang

ag se khali nahin

na koi phunk na tufan

ag phaili hi chali jati hai

main pighalta hi chala jata hun