جب انسان کو اپنا کچھ ادراک ہوا

جب انسان کو اپنا کچھ ادراک ہوا

سارا عالم اس کی نظر میں خاک ہوا

اس محفل میں میں بھی کیا بیباک ہوا

عیب و ہنر کا سارا پردہ چاک ہوا

اس کی گلی سے شاید ہو کر آیا ہے

باد صبا کا جھونکا جو سفاک ہوا

ضبط محبت کی پابندی ختم ہوئی

شوق بدن کا سارا قصہ پاک ہوا

اس بستی سے اپنا رشتۂ جاں منظرؔ

آتے جاتے موسم کی پوشاک ہوا

jab insan ko apna kuchh idrak hua

sara alam us ki nazar mein khak hua

is mahfil mein main bhi kya bebak hua

aib-o-hunar ka sara parda chak hua

us ki gali se shayad ho kar aya hai

bad-e-saba ka jhonka jo saffak hua

zabt-e-mohabbat ki pabandi khatm hui

shauq badan ka sara qissa pak hua

is basti se apna rishta-e-jan manzar

ate jate mausam ki poshak hua