وسیع آسمان میں اڑا

وسیع آسمان میں اڑا

مگر نہ رک سکا

نہ چھو سکا کسی کو میں

نہ کوئی مجھ کو چھو سکا

اڑا مگر حواس کا اسیر جسم

مبتلائے قید انتہا ہوا

دور تک فضا فضا ہوئی

دور تک خلا خلا ہوا

تو یوں میں خوشبوؤں کی قید سے رہا ہوا

اک عمر تک بلند قامتوں کے سر پہ ناچتا رہا

زمیں کا رقص رک گیا

پھر ایک دن زمین آفتاب سے ملی

جلے بھنے سے لوگ رک گئے

سبھی مرے قدم پہ جھک گئے

مگر میں اپنے قد کے ناپنے کی فکر میں گھلا کیا

تمام شیشے چور چور

سمندروں کی سطح بھی نظر نہ آئی دور دور

وسیع آسمان میں اڑان بھر کے تھک گیا تھا پھر زمین پر رکا

میں مٹیوں کے جسم کا اسیر تھا

میں مٹیوں کے جسم کا اسیر ہوں

تھکے قدم کا بوجھ کون سہہ سکے گا

سوندھی خوشبوؤں کے ماسوا

ماں کے آنچلوں کے ماسوا

wasi asman mein ura

magar na ruk saka

na chhu saka kisi ko main

na koi mujh ko chhu saka

ura magar hawas ka asir-e-jism

mubtala-e-qaid intiha hua

dur tak faza faza hui

dur tak khala khala hua

to yun main khushbuon ki qaid se raha hua

ik umr tak buland qamaton ke sar pe nachta raha

zamin ka raqs ruk gaya

phir ek din zamin-e-aftab se mili

jale bhune se log ruk gae

sabhi mire qadam pe jhuk gae

magar main apne qad ke napne ki fikr mein ghula kya

tamam shishe chur chur

samundaron ki sath bhi nazar na ai dur dur

wasi asman mein uran bhar ke thak gaya tha phir zamin par ruka

main mittiyon ke jism ka asir tha

main mittiyon ke jism ka asir hun

thake qadam ka bojh kaun sah sakega

sondhi khushbuon ke masiwa

man ke anchalon ke masiwa