میں جب ٹھرا پی کر بہکوں

میں جب ٹھرا پی کر بہکوں

اپنے آپ سے باہر نکلوں

تم جب شوہر سے اکتاؤ

اپنے آپ میں واپس جاؤ

قسمت کو کوسو بہلاؤ

ماں بننے کا ڈھونگ رچاؤ

اپنے اندر کی

بھوکی ممتا

باہر کے بچوں میں بانٹو

تکیہ بھینچے

ننگی چھت پر سو جاؤ

میں بے قابو اپنی چھت سے

تمہاری ننگی چھت پر کودوں

چاندنی چاندنی تم کو چوموں

مٹی مٹی تم کو گوندھوں

نیند بھری آنکھوں سے جاگوں

اور تمہارا شوہر نیچے کمرے میں

ادھ ننگی تصویروں سے لپٹے سسکے

رومانی اشعار لکھے کاٹے

مستقبل مٹھی میں بھینچے

ماضی کے تاریک سیہ خانوں میں گم ہو جائے

نیم جان سا بستر پر پڑ جائے

ہم مٹی کی مورت پھر کس کے خوف سے کانپیں گے

پتھر جب مٹی بن جائے

main jab thira pi kar bahkun

apne ap se bahar niklun

tum jab shauhar se uktao

apne ap mein wapas jao

qismat ko koso bahlao

man banne ka dhong rachao

apne andar ki

bhuki mamta

bahar ke bachchon mein banto

takiya bhinche

nangi chhat par so jao

main be qabu apni chhat se

tumhari nangi chhat par kudun

chandni chandni tum ko chumun

mitti mitti tum ko gundhun

nind bhari ankhon se jagun

aur tumhara shauhar niche kamre mein

adh nangi taswiron se lipte siske

rumani ashar likhe kate

mustaqbil mutthi mein bhinche

mazi ke tarik siyah khanon mein gum ho jae

nim jan sa bistar par par jae

ham mitti ki murat phir kis ke khauf se kanpenge

patthar jab mitti ban jae