آنکھیں میری کیا ڈھونڈھتی ہیں

آنکھیں میری کیا ڈھونڈھتی ہیں

پانی میں یا چٹانوں میں

شبنم کے ننھے قطروں میں

بارودی دہکتے شعلوں میں

گلزاروں میں

یا بنجر ریگستانوں میں

محفل میں تنہائی میں

دوسروں کی انگنائی میں

نظموں کے تیکھا پن میں

میخوانوں کے بند کواڑوں کے پیچھے

مندر میں چڑھائے پھولوں میں

مسجد کے خالی مصلیٰ پر

مرگھٹ میں قبرستانوں میں

بازاروں میں ویرانوں میں

دشت سے کانپتے ہونٹوں پر

وحشت سے لپکتے جذبوں پر

بوسیدہ کچی کھولی میں

اونچے اونچے ایوانوں میں

منصف کے پھسلتے قلموں پر

ملزم کی لرزتی سانسوں میں

انصاف کی اندھی دیوی میں

یا جھول رہے میزانوں میں

بچوں کی تڑپتی لاشوں میں

ماؤں کی بھی ممتا میں

آنکھیں میری اسی چہرے کی متلاشی ہیں

جس چہرے میں وہ رہتی تھیں

وہ چہرہ جو اب خود کو بھی پہچاننے سے قاصر ہے نظرؔ

آنکھیں اس کو کیا ڈھونڈیں گی

ankhen meri kya dhundhti hain

pani mein ya chatanon mein

shabnam ke nanhe qatron mein

barudi dahakte sholon mein

gulzaron mein

ya banjar registanon mein

mahfil mein tanhai mein

dusron ki angnai mein

nazmon ke tikha pan mein

mikhuinon ke band kiwaron ke pichhe

mandir mein charhae phulon mein

masjid ke khali musalli par

marghut mein qabristanon mein

bazaron mein wiranon mein

dasht se kanpte honton par

wahshat se lapakte jazbon par

bosida kachchi kholi mein

unche unche aiwanon mein

munsif ke phisalte qalmon par

mulzim ki larazti sanson mein

insaf ki andhi dewi mein

ya jhul rahe mezanon mein

bachchon ki tarapti lashon mein

maon ki bhi mamta main

ankhen meri isi chehre ki mutalashi hain

jis chehre mein wo rahti thin

wo chehra jo ab khud ko bhi pahchanne se qasir hai nazar

ankhen us ko kya dhundengi