ہر بار ہی میں جان سے جانے میں رہ گیا

ہر بار ہی میں جان سے جانے میں رہ گیا

میں رسم زندگی جو نبھانے میں رہ گیا

آتا ہے میری سمت غموں کا نیا ہجوم

اللہ میں یہ کیسے زمانے میں رہ گیا

وہ موسم بہار میں آ کر چلے گئے

پھولوں کے میں چراغ جلانے میں رہ گیا

ساتھی مرے کہاں سے کہاں تک پہنچ گئے

میں زندگی کے ناز اٹھانے میں رہ گیا

دار و رسن سجائے گئے جس کے واسطے

اک ایسا شخص میرے زمانے میں رہ گیا

بڑھتے چلے گئے جو وہ منزل کو پا گئے

میں پتھروں سے پاؤں بچانے میں رہ گیا

har bar hi mein jan se jane mein rah gaya

main rasm-e-zindagi jo nibhane mein rah gaya

ata hai meri samt ghamon ka naya hujum

allah mein ye kaise zamane mein rah gaya

wo mausam-e-bahar mein a kar chale gae

phulon ke main charagh jalane mein rah gaya

sathi mire kahan se kahan tak pahunch gae

main zindagi ke naz uthane mein rah gaya

dar-o-rasan sajae gae jis ke waste

ik aisa shakhs mere zamane mein rah gaya

barhte chale gae jo wo manzil ko pa gae

main pattharon se paon bachane mein rah gaya