خوشی ملی تو یہ عالم تھا بدحواسی کا

خوشی ملی تو یہ عالم تھا بدحواسی کا

کہ دھیان ہی نہ رہا غم کی بے لباسی کا

چمک اٹھے ہیں جو دل کے کلس یہاں سے ابھی

گزر ہوا ہے خیالوں کی دیو داسی کا

گزر نہ جا یوں ہی رخ پھیر کر سلام تو لے

ہمیں تو دیر سے دعوی ہے روشناسی کا

خدا کو مان کہ تجھ لب کے چومنے کے سوا

کوئی علاج نہیں آج کی اداسی کا

گرے پڑے ہوئے پتوں میں شہر ڈھونڈتا ہے

عجیب طور ہے اس جنگلوں کے باسی کا

khushi mili to ye alam tha badhawasi ka

ke dhyan hi na raha gham ki be libasi ka

chamak uthe hain jo dil ke kalas yahan se abhi

guzar hua hai khayalon ki dew-e-dasi ka

guzar na ja yun hi rukh pher kar salam to le

hamen to der se daawa hai rushanasi ka

khuda ko man ke tujh lab ke chumne ke siwa

koi ilaj nahin aj ki udasi ka

gire pare hue patton mein shahr dhundta hai

ajib tur hai is jangalon ke basi ka