حویلیوں میں مری تربیت نہیں ہوتی

حویلیوں میں مری تربیت نہیں ہوتی

تو آج سر پہ ٹپکنے کو چھت نہیں ہوتی

ہمارے گھر کا پتہ پوچھنے سے کیا حاصل

اداسیوں کی کوئی شہریت نہیں ہوتی

چراغ گھر کا ہو محفل کا ہو کہ مندر کا

ہوا کے پاس کوئی مصلحت نہیں ہوتی

ہمیں جو خود میں سمٹنے کا فن نہیں آتا

تو آج ایسی تری سلطنت نہیں ہوتی

وسیمؔ شہر میں سچائیوں کے لب ہوتے

تو آج خبروں میں سب خیریت نہیں ہوتی

haweliyon mein miri tarbiyat nahin hoti

to aj sar pe tapakne ko chhat nahin hoti

hamare ghar ka pata puchhne se kya hasil

udasiyon ki koi shahriyyat nahin hoti

charagh ghar ka ho mahfil ka ho ke mandir ka

hawa ke pas koi maslahat nahin hoti

hamen jo khud mein simatne ka fan nahin ata

to aj aisi tiri saltanat nahin hoti

wasim shahr mein sachchaiyon ke lab hote

to aj khabron mein sab khairiyat nahin hoti