زندگی تجھ پہ اب الزام کوئی کیا رکھے

زندگی تجھ پہ اب الزام کوئی کیا رکھے

اپنا احساس ہی ایسا ہے جو تنہا رکھے

کن شکستوں کے شب و روز سے گزرا ہوگا

وہ مصور جو ہر اک نقش ادھورا رکھے

خشک مٹی ہی نے جب پاؤں جمانے نہ دیئے

بہتے دریا سے پھر امید کوئی کیا رکھے

آ غم دوست اسی موڑ پہ ہو جاؤں جدا

جو مجھے میرا ہی رہنے دے نہ تیرا رکھے

آرزوؤں کے بہت خواب تو دیکھو ہو وسیمؔ

جانے کس حال میں بے درد زمانہ رکھے

zindagi tujh pe ab ilzam koi kya rakhe

apna ehsas hi aisa hai jo tanha rakhe

kin shikaston ke shab-o-roz se guzra hoga

wo musawwir jo har ik naqsh adhura rakhe

khushk mitti hi ne jab paon jamane na diye

bahte dariya se phir ummid koi kya rakhe

a gham-e-dost isi mor pe ho jaun juda

jo mujhe mera hi rahne de na tera rakhe

arzuon ke bahut khwab to dekho ho wasim

jane kis hal mein be dard zamana rakhe