سبھی کا دھوپ سے بچنے کو سر نہیں ہوتا

سبھی کا دھوپ سے بچنے کو سر نہیں ہوتا

ہر آدمی کے مقدر میں گھر نہیں ہوتا

کبھی لہو سے بھی تاریخ لکھنی پڑتی ہے

ہر ایک معرکہ باتوں سے سر نہیں ہوتا

میں اس کی آنکھ کا آنسو نہ بن سکا ورنہ

مجھے بھی خاک میں ملنے کا ڈر نہیں ہوتا

مجھے تلاش کروگے تو پھر نہ پاؤ گے

میں اک صدا ہوں صداؤں کا گھر نہیں ہوتا

ہماری آنکھ کے آنسو کی اپنی دنیا ہے

کسی فقیر کو شاہوں کا ڈر نہیں ہوتا

میں اس مکان میں رہتا ہوں اور زندہ ہوں

وسیمؔ جس میں ہوا کا گزر نہیں ہوتا

sabhi ka dhup se bachne ko sar nahin hota

har admi ke muqaddar mein ghar nahin hota

kabhi lahu se bhi tarikh likhni parti hai

har ek marka baton se sar nahin hota

main us ki ankh ka ansu na ban saka warna

mujhe bhi khak mein milne ka dar nahin hota

mujhe talash karoge to phir na paoge

main ik sada hun sadaon ka ghar nahin hota

hamari ankh ke ansu ki apni duniya hai

kisi faqir ko shahon ka dar nahin hota

main is makan mein rahta hun aur zinda hun

wasim jis mein hawa ka guzar nahin hota