اسے سمجھنے کا کوئی تو راستہ نکلے

اسے سمجھنے کا کوئی تو راستہ نکلے

میں چاہتا بھی یہی تھا وہ بے وفا نکلے

کتاب ماضی کے اوراق الٹ کے دیکھ ذرا

نہ جانے کون سا صفحہ مڑا ہوا نکلے

میں تجھ سے ملتا تو تفصیل میں نہیں جاتا

مری طرف سے ترے دل میں جانے کیا نکلے

جو دیکھنے میں بہت ہی قریب لگتا ہے

اسی کے بارے میں سوچو تو فاصلہ نکلے

تمام شہر کی آنکھوں میں سرخ شعلے ہیں

وسیمؔ گھر سے اب ایسے میں کوئی کیا نکلے

use samajhne ka koi to rasta nikle

main chahta bhi yahi tha wo be wafa nikle

kitab-e-mazi ke auraq ulat ke dekh zara

na jane kaun sa safha mura hua nikle

main tujh se milta to tafsil mein nahin jata

miri taraf se tire dil mein jane kya nikle

jo dekhne mein bahut hi qarib lagta hai

usi ke bare mein socho to fasla nikle

tamam shahr ki ankhon mein surkh shole hain

wasim ghar se ab aise mein koi kya nikle